2012/05/20

IKTekin IKasTen


Teknologia ( berriak ) ... ez da tresneriaren sinonimo; teknologia erakundeen berezko ekintzek eta jarduerek osatzen dute. Teknologia ekintzak antolatzeko modu jakina da, zergatia ezagutzeak justifikatzen duen eragiketa-prozesua planifikatzeko, exekutatzeto eta kontrolatzeko modua.
Teknologia Berriak ikasgaian motela izan zen nire hasiera, batez ere, beldurragatik. Nik ordenagailua eta orain dela gutxi erositako tableta egunero erabiltzen dudan arren, ez nintzen asko ausartzen interneten bidez ezagutzak, dokumentuak, argazkiak, eta abar elkartzeko edo eskegitzeko, adinagatik agian.
Gainera, nire energia itsela den arren, badirudi ordenagailuen energiaren kontran dagoela; beti gauza arraroak gertatzen zaizkit eta. Hala ere, azkenean nire beldur pertsonalari aurre egitea erabaki dut: Nola hasi? Ba… horrelako gauzak beti hasten diren bezala: kuxkuxeatzen. Zailena izena topatzea izan zen, eta azkenean gaur egungo munduaren abiadurak, batez ere, IKTaren argiaren abiadurak eta trena galdu ezinak formazio etengabearen dinamika ekarri duenez, “Beti Ikasten” izendatzea egokia iruditu zitzaidan. Izan ere, bizitzako edozein eremutan beti daukagulako zer jaso eta zer eskaini, zer ikasi eta zer irakatsi. Beraz, irakasle identitatearen sorkuntzak ez dauka mugarik, bukaerarik gabeko prozesu bat da, beti ikasten ari baikara.
Nire IKTen azaleko kulturan sakontzeko esanguratsua izan da Jose Antonio Millanen liburua “Hacia la escuela 2.0” eskolarako proposamen errazen bidez informazio zuzena eta esanguratsua lortu baitut: Google docs, Wikiak, Wikipedia, Flickr, Fuzzmail, Blog edo Web log, YourGMap, Google maps, Creative Commons baimenak,… eta azkenean pausua, SlideSharen bidez igotzea.
Bueno… apur bat… ezagutzen nituen ikusitako programak, baina beti erabili dut informazioa kontsultatzeko eta inoiz ez igotzeko. “La Cultura del Picoteo” erabiliz eta praktikan jarriz.
Beraz, hasierako beldurra gaindituta, baina oraindik piska bat lotsati.
Gauzak horrela eta Teknografiaren bideoa egiteko beharra… Zenbat denbora eta denbora hartu dudan, ez bakarrik Movie Maker bideo txukuna egiteko, baizik eta irakasle autobiografiari buruz zer esan nezakeen pentsatzeko ere. Ez da batere erraza, zure bizitzako momentu esanguratsuenak topatzea eta zure izaeran eta lan egiteko eran eragina izan duten kontuak biltzea. Eta bukatzeko YouTubera igotzea asko kostatu zitzaidan. Benetan, email baten bidez irakasleari aitortu nuen bezala, “ nire irakasle autobiografia besterik ez zen, baina nik biluzik banengo bezala sentitu nintzen”. Irakasleak beste ikaskideekin ideia hori konpartitu eta gero, konturatu nintzen teknografiaren lanak besteei ere antzeko sentimenduak sortarazi zizkiela. Eta bakarrik ez nengoela ohartu nintzen.
Beraz, nire IKTen ezaguera handituta, eta lotsa ere gaindituta, esan beharra daukat IKTek komunikazio sozialak handitzen dituztela oso. Eta harreman sozialak mesedegarriak dira garapen pertsonalerako, baina baita lana hobetzeko ere. Sorte handia dugu orain hainbeste teknologia gure eskuetan izanik, eta aprobetxatu beharrean gaude. Nahiz eta erraza ez den, etengabeko formazioa eskatzen baitigute, behar-beharrezkoak dira. Askotan lan prozesua gaitasun handiaz, baita intuizioz eta senez egiten dugu, eta orain tresna teknologietan oinarritu ahal dugu.
Eskerrak Alaitzi hainbeste baliabide on gure eskura jartzeagatik eta baita beste ikaskide guztioi ere, zuen laguntzaren bidez, nire burua egunero hobetzen dudalako !!!
 Hona hemen ikasgaiaren eginkizunen gustokoena:
video
IRAKASLEAREN TEKNOGRAFIA:
33 urterekin, familia osatuta, lanean eta beste txiki bat bidean; nork esango luke abentura honetan murgilduko nintzela?
Arrazoiak bi izan ziren nagusiki:
1.- Euskararen normalizazioa ahalbidetzea
2.- Umeen inguruko ezagutzak jasotzea, nire eguneroko bizitzan zuzenean praktikan jartzeko.
Asko izan dira irakasle identitatearen formakuntza honetan eragina izan duten eta azpimarratuko nituzkeen ideiak:
1.- Praktikatik teoriara eta teoriatik praktikara, hori egokitu zait niri ikasketa honetan.Nire lehen semea heldu zitzaidan irakaskuntzaz ezer gutxi nekiela. Ikasketa hauek burutzen hasterakoan ohartu nintzen zein gutxi prestatuta gauden ez bakarrik irakasle izateko, baizik eta guraso izateko ere. Teoria ikasi ondoren ohartu nintzen gurasoen artean ideia konduktistak daudela eta praktikara bueltatu nintzen konstruktibista izateko asmoz.
2.- Familia eskolaren arteko harremana, lehen garrantzitsua iruditzen bazitzaidan ere, are garrantzitsuagoa dirudit orain. Eskolan eta etxean egiten denaren artean jarraipen bat egotea ezinbestekoa da umeen garapena zuzena, esanguratsua eta zentzuduna izan dadin. ( Eskolan egiten dena modu formalean, etxean ere egin daiteke modu ez formalean )
3.- Umeek ezagutza nola eraikitzen duten ikasteak hauengandik hurbilago sentiaraztea ahalbidetu dit, umeak hobeto ulertzen ditudala esango nuke, beraien azalean jartzeko gaitasuna lortu dudalako. Eta horrela, beraiekin maitasun handiagoz lan egiteko, pazientzia eta gogoa.
Irakaskuntza zer den laburtzeko Gabriel Zelaiaren hitzak aproposak dirudizkit:
Educar es lo mismo que poner un motor a una barca.
Hay que medir, pesar, equilibrar… y poner todo en marcha.
Pero para eso uno tiene que llevar en el alma
un poco de marino, un poco de pirata, un poco de poeta,
y un kilo y medio de paciencia concentrada.
Pero es consolador soñar mientras uno trabaja,
que ese barco – ese niño – irá muy lejos por el agua.
Soñar que ese navío llevará nuestra carga de palabras
hacia puertos distantes, hasta islas lejanas.
Soñar que cuando un día esté durmiendo nuestra propia barca,
en barcos nuevos seguirá nuestra bandera enarbolada.
- Gabriel Celaya -
Azkenean uste dut lortu ditudala nik hasieran planteatutako helburuak, hala ere, beti ikasten da nire blogaren izena eta badauka zentzua, izan ere, bizitzako edozein eremutan beti daukagu zer jaso eta zer eskaini, hau da, irakasle garen heinean ikasle ere bagara. Beraz, ezin ahaztu dezakegu irakasle identitatearen sorkuntza honek ez daukala mugarik, bukaerarik gabeko prozesu bat da, beti ikasten ari baikara. 

2012/05/18

NOLA ERAIKI ETA ZERTAN OINARRI ZURE ETORKIZUNA


Ikasleei orain zer esaten diegun, zergatik eta nola eraikitzea beraien etorkizuna, horrela hasten da hitzaldi hau. Gainera aritzen dena etikonomian oinarritutako banku baten zuzendariaordea da.
Zuzena, egia, morala, besteak beste.... hona hemen bideoa:

2012/05/17

UMEAK BETI DIRA AHULENAK

Piskat gogorrak dira argazkiak, baina kanta honetan errealitatea besterik ez da erakusten. Afrikarena. Eta eskoletan gero eta ume beltzak ditugu, bere errealitate gogorra batzutan ahaztuta, bastertuta edo ezezaguna.

"Plus rien ne m'étonne" / "Ez daukat harritzerik" / "Nada me asombra" / "Nothing shocks me"


2012/05/16

KRISIALDIAN LAN MURRISKETAREN ORDEZ, BESTE ALTERNATIBA

Nire proposamena: LAN BAT BI PERTSONEN ARTEKO BANAKETA

Hobe da lana edukitzea, baina baliteke egunean 8 orduz lan egitea gehiegikeria izatea, batez ere, enpresetako lana orokorrean txikiagoa bada.
Lana espezializatua denean ere, beste persona bat egon daiteke lehenengoa ez dagoenean. Nik horrelako antolaketak ezagutzen ditut. Frantzian ikasi nuen 2. Karrera eta ikaskide frantziarrak praktiketan zeuden; baina ez Euskadin ezaguten ditugun praktikak bezala. Frantzian enpresetan praktikak egiteak hurrengoa esan nahi zuen: enpresak 2 pertsonei soldata urte osorako ordaintzen zieten eta biek lan bera eta ikasketa berak egin zituzten (oso ikasketa espezializatuak, eta beraz, lanerako beharrezkoak ). Antolaketa zen: 3 hilabetetan zehar lankide bat lanean zegoen eta bigarrena ikasten zegoen; halaber hurrengo 3 hilabetetan elkarri lekua aldatu zioten bigarrena lana egiten geratuz eta lehenengoa ikasketetan. Gainera lankideen artean laguntza eskaintzen zioten elkarri eta enpresetarako onurak ekarri zioten horrelako lan bereko bi pertsonen arteko banaketak.
Beraz, nahiz eta lana espezilizatua izan, enpresa gehienetan zergatik ez dago lana txandaka egiteko aukerarik? Adibidez, osasun arloan espezialistak daude, eta goizetan, aratsaldeetan, gauetan, asteburuetan eta jai egunetan lanean daude. Azkenean, aztertzen badugu, persona batzuk lan berdina egiten daude.
Beti bezala lan munduan ere: oso txarto banatuta dagoen mundua, batzuk lan gehiegi, beste batzuk lanik ez. Zergatik ez gara askoz solidarioagoak ?
Nik lanorduak beste batekin problemarik gabe banatuko nituzke... Adibidez, eguneroko 4 ordu, gero ere soldata banatu beharko da, azkenean ordu libre lortuko ditudalako eta logikoa izango da. Iraultza egongo da empresa eta lankide bakoitzagatik ordaintzen dituen kargu eta kosteen ondoioz: gizarte segurantzari eta horrelakoak.
Hezkuntzan ere aplikatu ahalko genuke. Klase berean bi irakasle edukitzeak elkarrekin edo bata aste batean eta bigarrena hurrengo astean posiblea izango da. Horrek oinurak ekarriko dizkigu gizarteari, persona bik inpuestoak ordainduko dituzte, eta jende gehiago nahiko ondo bizi ahalko ginateke, gure soldata apalagorekin baina ordu libre gehiagorekin.
Gainera, koordinazioa kontuan artuta, askoz errazagoa izango da beste batekin lana koordinatzea behartuta bagaude. Ez duzue pentsa?
Norbait apuntatzen da nire ideia martzan jartzeko?

2012/05/15

15M mugimenduen urtebetetzea


NIRE USTEZ EZ DAGO KRISIALDIRIK, KAPITALISMO HUTSA DEITZEN DA.

15M urtebetetzea ospatzeko hona hemen nire ekarpena eta gomendioa: Begirazue hurrengo zentzuratutako liburuan:  “Hay alternativas, Propuestas para crear empleo y bienestar”, Viçent Navarro, Juan Torres López eta Alberto Garzón Espinosa

NOTA DE LOS AUTORES:
Hace un par de meses, la Editorial Aguilar, mostró su interés por publicar nuestro libro: HAY ALTERNATIVAS, Propuestas para crear empleo y bienestar en España, que nos prologó Noam Chomsky.
Cuando ya se había concretado la fecha de publicación, los editores nos comunicaron que la empresa deseaba retrasarla sin otra explicación.
La editorial Aguilar forma parte, junto con Alfaguara, Altea, El País-Aguilar, Santillana y Taurus, entre otras, del Grupo Santillana, perteneciente, a su vez, al holding PRISA. Los accionistas mayoritarios de PRISA son la familia Polanco (35,016% de las acciones) y, desde mediados del año pasado, un fondo de inversión norteamericano, la Liberty Acquisition Holdings Corp. (57,7% de las acciones). Este hedge fund agrupa a más de 70 grandes inversores, entre los que figuran GLG, Taurus, Glenhill, Millenium, T Rowe Price, First Eagle, Soros Fund, Fortress, Teachers Advisors, Canada Pension Plan y los bancos Citigroup, Credit Suisse, Deutsche Bank y Morgan Stanley.

Orain interneten daukazue dohainik. URL:
http://www.attac.es/2011/10/20/hay-alternativas-nuevo-libro-de-vicenc-navarro-juan-torres-y-alberto-garzon/

2012/05/12

AIRPANO, 360° Aerial Panorama, 3D Virtual Tours Around the World


Umeekin amets egiteko, bidaiatzeko, eta umeei herrialdeen beste ikuspuntua emateko oso ona da Txoritxoren vista hauek. Zoritzarrez, momentuz Bilbo, Donosti edota Gasteiz ez daude, baina Bartzelona egongo da urte honetan eta etorkizunean Euskadi egotea espero dut.

CAPVn HEZKUNTZA ETA OSASUNA ARLOKO MURRIZKETAK


Jaurlaritzak "zaila" ikusten du Espainiako Gobernuaren hezkuntza eta osasun arloko murrizketak aplikatu behar izatea.
Ea azkenean holan bada !!!
Hona hemen albistea:

http://berria.info/albisteak/63400/jaurlaritzak_zaila_ikusten_du_espainiako_gobernuaren_hezkuntza_eta_osasun_arloko_murrizketak_aplikatu_behar_izatea.htm